Laf vun A bis Z

Den Accès op de Site ass ganz einfach, souwuel mam Bus, mam Vëlo oder ze Fouss.

Mam Auto: Et gi verschidde Parkinge fir d’Leefer, hir Begleeder an d’Spectateuren:

• Parking place de la Résistance
• Parking place de l’hôtel de ville
• Parking Hiehl
• Parking Belval-Gare
• Parking Belval Plaza I et II
• Parking de l’Université

Opgepasst: Den Zentrum vun Esch/Uelzecht ass net gutt erreechbar. Benotzt am Beschten de Parking Hiehl oder Belval-Gare a benotzt den ëffentlechen Transport fir op de Startberäich.

Plangt genuch Zäit a fir op de Site ze kommen. En Depart ënnert Stress ka verhënneren, dass Dir Äer Course lafe kënnt, wéi Dir Iech dat virgestallt hutt.

Beim Ofhuele vun Äerem Dossard kritt Dir eng nummeréiert Sacoche, an déi Dir virum Depart Är Kleeder maache kënnt. Plangt genuch Zäit a fir Äer Sacoche virum Depart an eiser Consigne ofzeginn. De Gebrauch vun der „Sudstroum escher kulturlaf“-Sacoche ass obligatoresch; mir huele keng aner Sacochen un.

De Chronométrage gëtt mat engem an der Startnummer intégréiertem Chip gemaach.

Den Depart vum Hallef-Marathon a vun den 10 Meilen ass um 17.45 Auer. Den Depart vun den 10 Kilometer ass um 18 Auer. All Leefer gëtt individuell chronométréiert.

Den Depart vum „Mini-kulturlaf“ (1000 Meter) ass um 16.45 Auer.

Freides, de 2. September, vu 16 bis 20 Auer & Samschdes, de 3. September, vun 11 bis 17 Auer

Gebai 4 / Gebai 5
66, rue de Luxembourg
L-4149 Esch-sur-Alzette

De Parcours vum „Sudstroum escher kulturlaf“ féiert net nëmme laanscht verschidde kulturell Site vun der Stad. Museker a Museksgruppe spillen och op Podiumen an natierlech Emplacementer laanscht de Parcours an dat virun, wärend an no der Course.

Déi éischt Coureuren (10 Kilometer) lafen no ongeféier 30 Minutten iwwert d’Arrivée. Wéinst dëser relativ kuerzer Dauer vum Effort ass e grousse Ravitaillement net néideg. Fir d’Coureuren, déi manner séier sinn, an d’Amateuren ass et awer wichteg, regelméisseg ze drénken an z’iessen. Dofir stelle mir 2 Ravitaillementen um 10-Kilometer-Laf, 3 Ravitaillementen um 10-Miles-Laf a 4 Ravitaillementen um Hallef-Marathon. Zousätzlech ass ee Ravitaillement op der Arrivée virgesinn.

D’Präisiwwerreechung ass beim Bâtiment4 um Site Arbed Esch-Schëffleng zu Esch/Uelzecht. Dëst Joer, fusionèiert d’„After Kulturlaf Party“ mat der „Nuit de la culture“. All Informatiounen zum Programm fann dir um Internetsite: www.nuitdelaculture.lu

D’Resultater sinn den Dag no der Course op eisem Site www.kulturlaf.lu disponibel.

D’Vestiairen an d’Dusche vum Stade Emile Mayrisch (mat separatem Fraen- a Männerberäich) si fir d’Leefer disponibel. No der Course fiert eng Navette permanent tëschent der Arrivée an dem Stade Emile Mayrisch (Trajet: ongeféier 1 km).